Do të ishte çudi nëse do të ishit duke e lexuar këtë artikull e të mos keni dëgjuar të paktën një herë emrin Android. Ky sistem operativ mobil është shumë i përhapur dhe momentalisht, sipas statistikave ndodhet në më tepër se 70 për qind të pajisjeve mobile, andaj zhvillimi i aplikacioneve të cilat funksionojnë në të është gjë mjaft e çmueshme dhe mund të shpërblehet mjaft shumë falë popullaritetit dhe audiencës së madhe që mund të merrni nëse programoni ndonjë aplikacion i cili arrin të tërheqë vëmendje.
Për të ju ndihmuar në aftësimin tuaj për të programuar në Android,
ky kurs mund të ju ndihmojë mjaft shumë, duke ju dhënë disa njohuri fillestare për programimin në këtë platformë, si dhe duke ju pajisur me aftësi të nevojshme për të marrë hapat e parë drejt përgatitjes së aplikacioneve mobile.
Ky kurs do të ju tregojë për instalimin, përgatitjen e ambientit të punës, konfigurimin e veglave të punës, dizajnimin e pamjes së aplikacioneve, ndërveprimin me pamjen e aplikacionit, përdorimin e bazës së të dhënave e gjëra të tjera që kanë të bëjnë me platformën Android.
Kursi mbahet nga i diplomuari si magjistër i shkencave në Fakultetin e Inxhinierisë Elektrike dhe Kompjuterike (FIEK) në Universitetin e Prishtinës “Hasan Prishtina”, si dhe autori i disa punimeve hulumtuese shkencore, në mesin e të cilave ndodhet një punim për Android, Arbnor Halili.
Ky kurs përveç që është për fillestarë, mund të shikohet edhe nga ata që kanë bërë tashmë aplikacionet e para për Android, pasi që mund të ju ketë shpëtuar ndonjë gjë pa e mësuar deri tani, e që mund të ju ndihmojë në punën tuaj në të ardhmen.
Për të gjithë të interesuarit që duan të fillojnë të mësojnë të programojnë, apo që kanë përvojë të mëhershme programimi, por duan që ta shtojnë Python-in në listën e shkathtësive të cilat i posedojnë në zhvillim të aplikacioneve dhe në përgjithësi zgjidhje të problemeve, kemi një lajm të mirë për ju. Ndonëse ka materiale të shumta në anglisht dhe pa pagesë të cilat fare lehtë mund t'i gjeni, tani i kemi këto materiale në shqip.
